Cymunedau’n Creu Cartrefi
Mae ein prosiect Cymunedau'n Creu Cartrefi yn cynnig cymorth a chyngor i sefydliadau newydd a’r rhai sy’n bodoli’n barod sy’n bwriadu datblygu cynlluniau tai cydweithredol/dan arweiniad y gymuned yng Nghymru.
See this page in: English
Pwrpas tai cydweithredol dan arweiniad y gymuned yw dod â phobl ynghyd i benderfynu pa fath o gartrefi a chymunedau eu bod am fyw ynddynt. Gall pobl sy’n rhannu gweledigaeth ddod ynghyd a chodi llais dylanwadol. Maent yn chwarae rôl hanfodol ar y cyd â chynghorau, datblygwyr a buddsoddwyr mewn creu cartrefi fforddiadwy sy’n diwallu anghenion cymunedol lleol.
Daw tai cydweithredol dan arweiniad y gymuned mewn bob lliw a llun. Grwpiau bach o ffrinidau’n prynu tŷ i’w rannu, lesddeiliaid yn sefydlu pwyllgor rheoli tenantiaid, aelodau o gymuned yn prynu tir lleol er mwyn datblygu tai newydd arno, a phobl sydd am ddatblygu tai cynaliadwy – mae’r rhain i gyd yn enghreifftiau.
Mae gan bobl fwy o reolaeth dros ble meant yn byw, a gallant gydweithio ag eraill er mwyn cyflawni nod a rennir rhyngddynt. Cymunedau sy’n creu cartrefi.
Nid oes dau gynllun yr un fath, ond mae nodweddion cyffredin tai cydweithredol dan arweiniad y gymuned, gan gynnwys:
- Mae’r gymuned yn rhan annatod o wneud penederfyniadau am y cartrefi
- Mae’r gymuned yn cymryd rôl ffurfiol ym mherchnogaeth, stiwardiaeth a rheolaeth y cartrefi
- Mae’r cynllun tai o fudd i’r gymuned leol neu grŵp diffiniedig o bobl.
Mae tai cydweithredol dan arweiniad y gymuned i bawb:
- Ar gyfer pobl ar lefelau incwm wahanol
- Ar gyfer pobl sydd eisiau rhentu neu brynu
- Ar gyfer pobl sydd eisiau byw mewn cymuned ddiogel a chefnogol
- Ar gyfer adeiladu cartrefi newydd neu ddychwelyd eiddo gwag i’w defnyddio eto
- Ar gyfer rheoli cartrefi presennol.
Mae tai cydweithredol dan arweiniad y gymuned yn cynnwys pobl leol mewn penderfyniadau ynghylch tai – ac felly mae’r canlyniadau’n fwy llwyddiannus yn aml.
- Mae cael dweud eu dweud ynglylch datblygu a rheoli tai yn meithrin ymdeimlad o ryn, balchder a pherchnogaeth i’r trigolion
- Daw cymunedau’n fwy cydnerth gan ddatblygu’r gallued i fynd i’r afael ac amrywiaethau o faterion sy’n effeithio arnynt
- Mae ymddygiad gwrthgymdeithasol yn lleihau
- Mae preselwyr yn teimlo’n hapusach am eu bod yn rhan o gymuned gefnogol.
Caiff tai eu hadeiladu mewn ardaloedd lle mae angen amdanynt – ym aml mewn lleoedd na fyddai datblygwyr masnachol yn eu hysteried ar gyfer adeiladu tai.
- Bydd hyn gwella’r cyflenwad o dai a darpariaeth tai fforddiadwy
- Gall ardaloedd sydd wedi dirywio gael eu hadnewyddu a chaiff tai gwag eu defnyddio unwaith eto
- Gall safleoedd bach lletchwith gael eu defnyddio’n dda
- Bydd pwysau ar fannau gwyrdd yn lleihau drwy greu mannau cymunedol a rennir
- Gall mwy o bobl gael buddiannau o fod yn berchen ar dŷ, gyda rhwyd ddiogelwch gefnogol.
Cysylltwch â’n tîm Cymunedau’n Creu Cartrefi am gymorth.
Ariennir y prosiect Cymunedau’n Creu Cartrefi gan The Nationwide Foundation a Llywodraeth Cymru ac fe’i cyflwynir gan Ganolfan Cydweithredol Cymru. Bydd elfen cyfnod cynnar y rhaglen yn cael ei chyflwyno gan Gymdeithas Ymddiriedolaeth Datblygu Cymru.
Astudiaeth achos
-
Mae Cydweithrediaeth Dai yn dod â bywyd i adfywiad stad yn y cymoedd
Mae Cydweithrediaeth Dai Taf Fechan yn darparu opsiwn fforddiadwy, ansawdd uchel i drigolion Gelli-deg ac wedi ailddiffinio’r ardal fel lle y mae pobl am fyw ynddi.
-
Darparu bywyd gwyrddach, glanach a llai gwastraffus mewn amgylchedd pentref gardd
Cydweithfa dai sy'n darparu 19 o gartrefi newydd i deuluoedd yng Nghasnewydd fel rhan o bentref gardd.
-
Lle llewyrchus ar gyfer cenedlaethau’r dyfodol
Stiwardiaid fferm 80 erw yn gweithio gyda natur yn hytrach nag yn ei herbyn.
-
Pobl ifanc yn creu cynllun tai arobryn
Mae grŵp o bobl ifanc 16-24 oed wedi dod at ei gilydd i greu cynllun tai sy'n helpu pobl ifanc i symud o fyw â chymorth i fyw'n...
